СЛУШАЈТЕ ВО ЖИВО

CSS Template

Прилеп исчистен од снегот, проодни сите печашки зони

303

„Од рано утрово комуналците се на терен и се чистат сите пешачки патеки низ централното градско јадро, но и сите тротоари низ градов“ – извести ЈКП Комуналец , по обајвениот текст на радио Пела ,утрово, за состојбата со пешачките зони и тротоарите во утринските часови.

ЈКП „Комуналец“ во дописот до медиумите истакна : „Некои од медиумите објавија дека градот не е прооден за пешаци. Со ова ги информираме, а информацијата е доставена и до сите локани медиуми, дека Комуналец од рано утрово создаде услови за движење согласно Планот за работа во зимски услови, кој предвидува приоритети, според степенот и ризикот од подмрзнување, процент на проток на луѓе и стоки и други параметри„ –  информираат од ЈКП „Комуналец“- Прилеп , испрајќајки ни и фотографии

Тие информираа дека најнапред, според Програмата за работа во зимски услови се исчистија сите сливни подрачја од атмосферската канализација за да не дојде до нивно замрзнување и водата од топењето на снегот да истекуваат непречено. Потоа се исчистија сите приоди на пешачките премини, каде има најголем проток на луѓе, но и мостовите каде движењето е најотежнато заради брзото мрзнење на снегот.

По ова комуналците пристапија кон чистење на сите патеки низ центарот на гладот и тротоарскиот дел по главните сообраќајници. Се исчистија и патеките низ сите паркови, а најголемо внимание секако е посветено и на чистење на Паркот на револуцијата, каде во попладневните часови се очекува и поголема посетеност на младата популација.

Снегот се чистеше и од украсните зимзелени растенија и грмушките заради неговата влажност кој може да биде причина за нивно кршење.

Секторот за подигање и транспортирање на отпад пак, непречено беше на терен и сиот отпад од контејнерите поставени по јавно прометните површини и куќниот отпад беа подигнати.

Според информациите од терен од силниот ветер и невремето кое го зафати градов во ноќните часови, нема оштетувања на дрвјата и комуналната инфраструктура.

 

Vivafarm

Веб -страницата користи колачиња. Со клик на Прифаќам се согласувате со политиката на приватност и колачиња. Прифаќам Повеќе