Прилепските музичари бараат да работат или ќе го блокираат Плетвар

Над 50 музичари од Прилеп вечерва одржале состанок на кој што разговале за актуелната состојба со здравствената криза со пандемијата, во која, како што велат самите се обесправени и дискриминирани, не можејќи да ги остваруваат своите работни обврски. Тие бараат и апелираат до музичките здруженија каде членуваат час поскоро да се реши ситуацијата, а во спротивно најавуваат 24/7 протести со блокада на превојот Плетвар. Зад иницијативата стојат 54 музичари кои присуствувале на состанокот.

Ова е нивното соопштение кое го објавуваме во целост:

Почитувани,

На ден 16.03.2021 година музичарите од Прилеп самоиницијативно остварија работен состанок на кој разговараа за проблемите со кои се засегнати поради Ковид пандемијата. Еве цела година како не работиме и немаме право на егзистенција, ние сме единствената гранка во општеството кое е дискриминирана и нема право да ги остварува своите работни обврски! Ние не бараме парична помош од државата, не сакаме да го оптеретуваме буџетот, ние бараме да се изготват протоколи и мерки за конечно да почниме да  музицираме. Како што се изготвија мерки за дикотеки, казина, кафиќи, ресторани и тн. возможно е и музичарите да работат и да егзистираат!!! Апелираме до музичките здруженија каде и ние членуваме да се направи протокол за работа и да се достави до Владата на Република Македонија за што поскоро да започнеме со работа, во спротивно масовно ќе излеземе на протести 24/7 блокирајќи го превојот „ПЛЕТВАР“. Оваа одлука едногласно беше донесена од прилепските музичари каде секој  со својот  потпис ја поддржа оваа одлука!!!

Со почит,

Музичари од Прилеп