СЛУШАЈТЕ ВО ЖИВО

CSS Template

Промоција нa “Секунди нa љубoв зa пaмтивек” oд Биљaнa Јaндрескa

549

Младата писателка и поетеса, прилепчанката Биљана Јандреска, утре во кафе бар Арт кафе Апореа, со почетокот од 17 и 30 ќе ја промовира книгата “Секунди нa љубoв зa пaмтивек”. Ова е трета книга на Јандреска, која всушност е комбинација од проза и поезија, своевиден дневник на една љубов.
Авторката Јандреска се решава да проговори за љубов иако тоа значело да се врати 365 денови и ноќи: „од првата заедничка ноќ кога целиот живот ми се смени и животот ми стана ти“, вели таа.

– Оваа збирка на Јандреска е богата ризница на страст што може да ја поседува само љубена жена, жена што знае да љуби, жена што знае што сака од љубовта, што да бара и да земе од љубениот, но кога истата не е возвратена и се сведува на голата телесна љубов, вели рецензентот Даница Петровска од Куманово.

„Билјана Јандреска чувствува дека моќта на поезијата е во нејзината истрајност“, вели писателот и книжевен критичар Трајче Крстески и зашто:
„Поезијата е неопходна во постојаната борба за опстанок, но и за изразување на љубовта, што впрочем е човечка нужност за се опстане. Без љубов, нема да бидеме ниту мравка, ниту црв, ниту цвет или дрво,ќе бидеме сувопарност, безимени и бестелесни, воздишката нема да ни изразува ниту чувство, ниту болка, таа ќе биде само дел од здивот на безличниот ветер“, вели Крстески.

Биљана Јандреска е родена 24.06.1991 година во Прилеп. Во 2013 година завршила на Факултетот за детективи и безбедност при ФОН Универзитетот во Скопје и се стекнала со звање дипломиран детектив. Романот „Вистинска љубов“ е нејзина дебитанска книга којашто ја напишала уште во 2007, поетската книга „Предигра низ песна“ е нејзина втора книга кoјa јa издaвa истaтa гoдинa вo декември.

“Секунди нa љубoв зa пaмтивек” е сиже oд нејзинaтa целa гoдинa пишувaње нaлик нa пoетскo-прoзен дневник.

Facebook Notice for EU! You need to login to view and post FB Comments!
Vivafarm

Веб -страницата користи колачиња. Со клик на Прифаќам се согласувате со политиката на приватност и колачиња. Прифаќам Повеќе