Ристески:Дали знаењето и вештините на Сугарески можеби ќе донесат нов прифатен центар за бегалци во Прилеп?

Прес конференција денеска одржа пратеникот од редовите на ВМРО ДПМНЕ Петар Ристески, кој  посочи на неколку теми поврзани со како што рече: „знаењето, вештините и искуството“ на кандидатот за градоначалник на Прилеп од СДСМ Горан Сугарески, за што и ги повика надлежните органи соодветно да делуваат:

„ Навистина покажа ,,знаење и искуство” со тоа што го направи најголемото зло на Прилеп и Пелагонија со раскинувањето на договорот за патот Прилеп-Градско и прекинување на неговата изградба во интерес на мафијата, проект кој беше започнат, се градеше и сега ќе беше готов истиот тој Сугарески да не го прекинеше. Сугарески на прилепчани и на сите граѓани во Македонија должи одговор за планскиот документ кој носи назив „Државна урбанистичка планска документација за прифатен центар за странци на КП 35, КО Бардовци, Општина Карпош”, во кој документ јасно стои дека орган надлежен за донесување на планскиот документ е Министерство за транспорт, а на самиот крај од документот може да се прочита името и презимето на Горан Сугарески во својство на министер.

Овој документ е поврзан со изградбата на прифатен центар за странци.

Во самиот документ е напишано дека изградбата на прифатниот центар за странци во Општина Карпош се очекува да предизвика долгорочни негативни влијанија од социоекономски аспект, односно интеграција на прифатените странски државјани во социјалните текови на заедницата, потреба од отворање на нови работни места, сместување, комуникација со локалното население, ризици по здравјето и безбедноста на заедницата, а особено врз жените и децата. Дали знаењето и вештините на Горан Согарески можеби ќе донесат нов прифатен центар за бегалци во Прилеп?

Исто така Сугарески нека одговори дали во неговото знаење, искуство и вештини влегува склучување на Договор за купопродажба на државно земјиште со извесен инвеститор во 2018 година, за вкупна површина од 9048 м2, за цена од само околу 300 евра по м2 на атрактивна локација на паркингот кај Холидеј Ин? Што ли се крие зад една ваква фамозна зделка? Ги повикуваме надлежните органи да истражат.

Или можеби знаењето, вештините и искуството на Сугарески вклучуваат продолжување на политиките на Илија Јованоски за легализација на дивоградби, летни тераси сред центарот на градот и урбанистички хаос на чело со урбаната и градежната мафија? Постојано во своите настапи потенцира дека ќе ги продолжи политиките на Јованоски. Дали во тие политики спаѓа и бесправното градење на објекти од страна на блиски роднини на Јованоски? Дали тука спаѓа и изградената зграда со сомнителна документација кај Медицинското училиште и дали Сугарески ќе продолжи со вакви проекти ,“ запраша пратеникот Петар Ристески на денешната прес конференција.

https://www.facebook.com/okprilep/videos/430555985302529