Се очекува нестабилно време, бидете претпазливи!

Попладнево се очекува нестабилно време, со грмежи и поројни дождови, информираат од УХМР. Според сателитските снимки и прогнози и Пелагонија ќе биде зафатена од невреме.

Попладне ќе биде променливо облачно и нестабилно на повеќе места со пороен дожд и грмежи. Локално процесите ќе бидат поинтензивни во форма на невреме со интензивен пороен дожд, силни електрични празнења, силен ветер и услови за изолирана појава на град. Максималната температура ќе биде во интервал од 29 до 36 степени, информираат од УХМР.