Семакедонски собир во Прилеп по повод роденденот на Гоце Делчев

Здружението „Граѓанска иницијатива за национална, културна и европска интеграција на македонскиот народ“ утре во Прилеп по 15 пат ќе одржи семакедонски собир. Македонци од повеќе држави од Европа и прекуокенските земји ќе учествуваат на собирот кој ќе биде на тема: Положбата на Македонците во соседните држави, со посебен осврт на актуелните случувања околу преговорите за името со јужниот сосед.Иницијаторите Здружението Граѓанска иницијатива за национална, културна и европска интерграција на македонскиот народ очекуваат голем број гости и еминентни стручњаци.

Собирот традиционално се одржува по повод роденденот на револуционерот Гоце Делчев. Годинава се навршуваат 146 години од раѓањето на големиот револуционер, а во таа чест ќе бидат положени венци и свежо цвеќе пред споменикот на Гоце Делчев во дворот на Основното училиште што го носи неговото име во Прилеп.Инаку, Ѓорѓи Николов Делчев, попознат како Гоце Делчев е роден во Кукуш на 4 февруари 1872 година. Тој е македонски национален херој, учесник во македонското револуционерно движење, деец на Македонската револуционерна организација, идеолог, организатор и водач на македонското револуционерно националноослободително движење кон крајот на 19 и почетокот на 20 век. Во борба со турската војска, Гоце Делчев.загина на 4 мај 1903 год во Баница, Серско, денешна Грција.