Сообраќајка на Плетвар одложи три меча- одиграа Динамо од Мажучиште и Слога од Лажани

Борбен натпревар одиграа Динамо од Мажучиште и Слога од Лажани на игралиштето со вештачка трева во Прилеп, во рамките на 14. коло од Третата фудбалска лига – Југ. Гостите победија со 3:2, со два гола на Ферис Адемоски во 18. и 38. и еден на Адмир Угљанин во 80. минута.

Неизвесно беше до самиот крај бидејќи претходно домашните двапати изедначуваа преку Славе Тодороски во 38. и Кире Наумоски во 70. Интересно е што гостинскиот гол го чуваше 46-годишниот голман Сеад Равногорац, дури 15 години повозрасен од колегата на спротивната страна Александар Поповски. Победничкиот тим не направи биту една замена, додека ривалот изврши три.

РЕЗУЛТАТИ: Питу Гули – Обршани 3:1 (Васко Петкоски 70, Унча Бојаџиески 75, Ѓорѓи Стрезовски 82 – Никифор Ујгуноски 67), Ново Црнилиште – Росоман 2:2 (Хабијл Ибраими 45, Назми Исламоски 62 – Марко Миловановиќ 6, Илија Ристески 70).

Сообраќајка одложи три меча

Сообраќајната несреќа што се случи денеска на патот Прилеп – Кавадарци, го попречи превозот на три фудбалски екипи од Третата лига – Југ. Така Марена не отпатува до Кривогаштани да игра со Младост, Бучин не стигна до Возарци, а Големо Коњари до Неготино, каде требаше да се одигра дербито со лидерот Вардар. Дознаваме дека сите овие дуели ќе бидат одиграни на 4 мај.