СОУ ” ОРДЕ ЧОПЕЛА” ГО ОДБЕЛЕЖА МЕЃУНАРОДНИОТ ДЕН НА МИРОТ

Членовите на училишната секција МИО ЕКО клуб при СОУ „Орде Чопела“ – Прилеп реализираа низа активности поврзани со прославата на 21 ви септември – Меѓународниот ден на мирот, во рамките на проектот за меѓуетничка интеграција на младите во образованието.

Претходни 1 of 6 Следни

Учениците преку вклучување во овој проект се стекнаа со организациски и тимски вештини, можност да изградат меѓусебни односи и соработка меѓу различни етнички заедници, да развиваат вештини за решавање на проблеми, за критичко размислување, како и градење на ставови и способности неопходни за успех во животот и работата. Учениците научија како да ги развиваат и усовршуваат вештините за комуникација и соработка што се потребни за интеракција со ученици од други култури и да го поврзат стекнатото знаење од наставните предмети со примена во реални ситуации.
По повод 21 Септември беа организирани повеќе активности и тоа спортски штафетни игри во три категории, ликовна изложба, цртање на делови од училница со мотиви посветени на мирот, уредување на училишниот двор и литературно читање на македонски и англиски јазик на тема „Мир во светот“. Благодарение на ангажираноста, мотивацијата и искуството на професорите ментори од МИО – тимот, планираните активности беа успешно реализирани со што се овозможи подобро запознавање, поттикнување и зближување на учениците со различна етничка припадност преку надминување на јазичните, религиозните и културолошките пречки.
Реализацијата на Програмата за заеднички ученички активности и младински иницијативи овозможува поттикнување на меѓуетничката интеграција, воспоставување соработка и зајакнување на граѓанската и демократската култура помеѓу младите, почитување на етничките разлики и промоција на мултикултурализам.