Тројца приведени, 19 возачи санкционирани при акциска контрола во Прилеп

Трите лица се приведени зашто кај едно е пронајдена марихуана, а кај две лица кокаин. Полицијата ќе им поднесе кривична пријава. Акцијата ја спроведуваа одделот за униформирана полиција, единицата за брзо распоредување, посебната единица за поддршка, единицата за интервентна полиција и надворешната канцеларија за криминалистички работи.

На 29.07.2022 на ул.„Борис Кидрич“ во Прилеп, полициски службеници од СВР Битола – ОВР Прилеп ги лишиле од слобода С.А.(32) и Е.Р.(29) од Прилеп, затоа што кај нив биле пронајдени и одземени бела грутчеста материја и предмет со остатоци од бела грутчеста материја.  На 28.07.2022 на ул.,,11 Октомври” во Прилеп, полициски службеници од СВР Битола – ОВР Прилеп го лишиле од слобода К.Ј.(29) од Прилеп, затоа што кај него биле пронајдени и одземени две пакувања со бела прашкаста материја. На 29.07.2022 на кеј „1 Мај“ во Прилеп, полициски службеници од СВР Битола – ОВР Прилеп го лишиле од слобода Д.А.(33) од Прилеп, затоа што кај него била пронајдена и одземена марихуана. По целосно документирање на случаевоите ќе бидат поднесени соодветни поднесоци.

При засилената акциска контрола на мобилната единица за безбедност на сообраќајот на патиштата од 21 до 4 часот изутрината, се санкционирани 19 возачи кои не ги почитувале правилата и прописите. Од нив, 13 се исклучени од сообраќај. Полицијата ги продоложува засилените акциски контроли и во наредниов период.