УХМР најавува поројни врнежи од дожд и невреме

Денеска во текот на денот под влијание на влажен бран, најпрвин во западните, а во текот на ноќта и во сабота претпладне и во останатите подрачја ќе има врнежи од дожд, кои на места ќе бидат обилни (10 до 20 л/м2). Локално процесите ќе бидат во форма на невреме со силни електрични празнења, интензивен пороен дожд (над 35 л/м2), град и силен ветер (над 60 км/час). Температурата ќе опадне за 7 до 9 степени.
Според најавата на УХМР во Прилеп максималната температура ќе достигне до 27 степени. Од попладневните часови, во текот на ноќта и во сабота претпладне ќе има поројни врнежи од дожд проследени со грмежи и засилен ветер во форма на невреме.