Утринава снег на патиштата и забрана за движење на тешки товарни возила на патните превои

Сообраќајот на државните патишта се одвива по влажни коловози, на некои повисоки места има остатоци од кашест снег на коловозот, информираат од АМСМ.

Граѓани кои утринава патуваат од Прилеп  до Скопје велат дека сообраќајот се одвива во отежнати услови поради снежните наноси. Возачите на патен превој Пелтвар се соочиле со снежни и неисчистени коловози и апелираа на внимателно возење. Нема забрана за тешките товарни возила. Утринава е укината забраната за тешки товарни возила на планинскиот превој Ѓавато.За останатите видови на возила задолжителна е употреба на зимска опрема

Од утрово е воведена забрана за сообраќај за тешки товарни возила на патниот правец Кичево- Охрид преку планинскот премин Пресека. Како што информираат од АМСМ, забрана за сообраќај на тешки товарни возила има на и планинскиот премин Стража, на патниот правец Гостивар – крак Маврово – Дебар, а од синоќа е воведена забраната за сообраќај на тешки товарни возила на патниот правец Тетово – Попова Шапка.

.