За Пиво Фест, се подобрува соработката меѓу угостителите и полицијата

Во рамки на кампањата „Безбедно лето“ на 07.07.2022 во Полициската станица Прилеп полициски службеници од Одделението за превенција при СВР Битола и раководителите од ОВР Прилеп одржале средба со сопствениците на угостителски објекти во Прилеп. 

– На средбата беше разговарано за јакнењето на комуникацијата и соработката помеѓу полицијата и угостителските објекти и целосно почитување на законските одредби поврзани со забрана за присуство на малолетници после 24 часот и точење на алкохол на овие лица, придржување на пропишаните норми за дозволена гласност и елиминирање на зголемена бучавост и гласна музика, целосно придржување до работното време и до другите одредби од Законот за угостителската дејност како и за престојниот Пиво фест 2022, стои на официјалната веб страна на министерството.