ЗАЕДНО НА ЕВРОПСКО – Миркуловски – Победата против Данска за мене е триумф на сите времиња (ВИДЕО + ФОТО)

“Знаев да им бидам добар другар , се поставив кон нив и како родител затоа што се грижев и за нивните активности надвор од спортот и секако се поставив и директорски за да се направи некоја граница на однесување но и да има почитување еден кон друг”, вака вели Марко Миркулоски некогашниот спортски директор на ракометната репрезентација на Македонија за генерацијата за која тој ја напиша и неодмна ја  промовираше  својата книга „Пенал за финале“. Тема на книгата е младинското Европско првенство во Полска во 2002 година каде што Македонија го освои четвртото место. На наше задоволство , Миркулоски кој е татко на македонскиот репрезентативец , Филип Миркулоски беше гостин во нашата емисија ЗАЕДНО НА ЕВРОПСКО .

Преку својот роман , Миркуловски не само што го архивираше успехот на генерацијата од која подоцна се гордее цела нација , туку и ни  презентира колку е важно една селекција да биде сплотена , дисциплинирана и без респект кон противникот. Тој вели дека за него триумфот против Данска  (25:24) е најдрага  победа на сите времиња ,  каде ракометарите тука покажале колку е часот и колку вредат како репрезентација.

Гостувањето на некогашниот голман и спортски работник Миркуловски во целост можете да го погледнете во видеото подолу.