Големото пелагониско дерби Победа-Пелистер 0:2

Убаво време, околу триилјадна публика, добра навивачка атмосфера, и, се совршено за квалитетна фудбалска игра на теренот “Гоце Делчев„ – Прилеп, со огромно очекувања дека домашниот тим ќе победи, но од се тоа само тажни лица и разочарани гледачи, по завршување на натпреварот кој беше пелагониско дерби во ВМФЛ, меѓу Победа и Пелистер.

Пелистер се покажа како понадмоќна екипа, со повеќе шански и често на половината на домаќинот, а Победа со само два-три упатени удари на голот од противникот,само ја потврди својата неможност. Па,  пелагониското дерби во Прилеп во 14. коло од Втората македонска фудбалска лига меѓу Победа – Пелистер ,заврши со резултат 0:2, со што ја им се овозможи на пелистерци да ја продолжат битката за водечките две позиции на табелатаа, а Победа со 15 бода да остане на 13 место со трите екипи кои се на дното на табелата.

Бојан Спиркоски во 40. минута ги донесе „пелистерци“ до водство од 0-1, а Јованчо Трајковски во 74. минута ги постави конечните 0-2.

СЛЕДНО 15. КОЛО (9 декември во 13 часот) Победа игра во гости  против екипта на Беса