На крајот на јуни СДСМ ќе избира претседател на партијата

Извршниот одбор на СДСМ донесе Одлука за распишување вонредни внатрепартиски избори за претседател на СДСМ кој ќе се одржат на крајот од идниот месец, по повлекувањето од функцијата на претседателот на партијата, Димитар Ковачевски.

Вонредните внатрепартиски избори се закажани за  30 јуни  (недела) . На седница која што ќе се одржи, утре  четврток, (30 мај 2024 година)  Централниот одбор на СДСМ треба да го усвои Правилникот за критериумите, начинот и роковникот за спроведување на постапката на највисоко демократско ниво од страна на Централната изборна комисија.

Согласно роковите во Статутот на партијата ќе има доволен период за подготовка на кандидатурите и програмите, претставување на кандидатите пред членството и активна регистрација.