Пролонгиран рокот за важност на возачките дозволи и книшки

По реакциите во јавноста, денеска Собранието изгласа измени во Законот – возачките книшки и дозволи ќе важат до крајот на 2024. Министерството за внатрешни работи со соопштение:   

 Министерството за внатрешни работи ги информира граѓаните дека согласно Законот за изменување на Законот за безбедност на сообраќајот на патиштата, усвоен на денешната седница на Собранието на Република Северна Македонија, возачките дозволи и возачките книшки со името Република Македонија ќе важат до истекот на рокот на важење кој е наведен на возачката дозвола, најдоцна до 31 декември 2024 година.