ССМ: Илјада евра се потребни да се преживее месецот, најмногу за храна

За просечно македонско семејство да ги подмири трошоците вредноста на синдикалната минимална кошница за месец мај 2024 година изнесува 60 090,00 денари, според Сојузот на синдикати на Македонија. Најмногу е потребно за храна и пијалаци 21, 689 денари или 36,1 % од вредноста, за образование 7 илјади денари, на трето место се режиските трошоци за станарина, струја и вода со 10 % или 6 014 денари, облека и обувки 8,2 % со 4 928 денари:

Споредена со вредноста на синдикалната минимална кошница за месец април годинава која изнесува 60 212,00 денари во мај е намалена за 122,00 денари. Со изнајмен стан од 60 квадрати синдикалната кошница за месец април изнесува 75.465 денари.