РФМ го одложи стартот на првенството

Ракометната федерација на Македонија (РФМ), која го одложи стартот на сезоната по прогласувањето на тридневна жалост во државата поради трагедијата која се случи во Тетово. Првото коло во ракометната Суперлига беше закажано за денеска од 17 часот, но сите натпревари се одложени за недела поради тридневната жалост која беше прогласена. РК Прилеп требаше да патува во Скопје за натпревар со РК Бутел.

„Почитувани,

Поради прогласената три дневна жалост и апел од Владата да се одложат сите спортски манифестации, Ве информираме дека првото коло од ракометната Супер Лига предвидено за денес (09.09.2021 г.) се одложува за недела (12.09.2021 г.).

Сочуство до семејствата.

Со почит

Ракометна Федерација на Македонија“, соопштија од РФМ.