500 деца на заеднички Божиќен Ручек – ќе го слават Христовото раѓање.

Детската Амбасада за Сите Деца во Светот, по 12-ти пат , и оваа година ќе го организра највеселиот настан за децата, кој ја одбележува годината, Божиќниот Ручек. 500 ,деца в недела,  во хотелот „Кристал Палас“ во Прилеп ќе се дружат на свечен Божиќен Ручек и ќе го слават Христовото раѓање.

По 9-ти пат на оваа прослава Детската Амбасада за Сите Деца во Светот го доделува и престижното признание за општествена одговорност ОРДЕН ЗА НОСИТЕЛ НА МИРОТ,која  Оваа година му се  доделуваме на УНИЦЕФ МАКЕДОНИЈА.

Целта е  500 деца од различни градови од  Република Македонија на заедничка трпеза да го прослават Божиќ, денот на Христовото раѓање .На  заедничка трпеза ќе седнат: деца без родители, деца на загинати припадници на безбедносните сили, деца со посебни потреби, како и истакнати деца – членови на Детската Амбасада. Децата се од Прилеп, од Скопје, Ресен, Крушево, Демир Капија, Струмица и од другите градови ширум државава. Според конвенцијата за правата на децата за еднаквоста на сите децата, а во интерес на мото на организација  „Едно небо за сите деца“ на оваа Божиќна трпеза сепоканети и деца од другите верски заедници, од исламската, католичката, еврејската и евангелско-методистичката, кои заедно ќе се дружат и ќе празнуваат.

На сите деца ќе им се доделат пакетчина за слатки сеќавања на Божиќниот Ручек, за кои се погрижи Градоначалникот на Општина Прилеп г-дин Илија Јованоски. Божиќниот Ручек ќе го благослови Неговото Високо Преоствештенство, Митрополитот Преспанско-Пелагониски и Администратор Австралиски и Новозеландски, Господин Петар.

За збогатување на свеченоста ќе се погрижат членовите на Академијата за Естрадно пеење „Ѕвездички“ од Прилеп, a како и секој Божиќ, за уште повесела забава на овој Божиќен Ручек, ќе настапи македонскиот идол Христијан Тодороски.

И оваа година, покрај добитникот на Орденот за носител на мирот, ќе има и доделување на ПЛАКЕТА ЗА ПРИЈАТЕЛ НА ДЕЦАТА, за кои Детската Амбасада за Сите Деца во Светот одлучи да ги додели на најзаслужните, : А.Д. „Охридска банка“ од Скопје, КДС „Кабелнет“ од Прилеп. И на пријателите на децата и Детската Амбасада, Градоначалникот на Општина Прилеп, Г-дин Илија Јованоски, Алкалоид А.Д. од Скопје, Охридска банка од Скопје, А.Д. Реплек од Скопје, Дрексел Мајер од Кавадарци, Жикол од Струмица, Прилепска Пивара од Прилеп, Маркоски К73 од Струга.