Честитки за РК Прилеп! Прилепчани и идната сезона ќе гледаат суперлигашки натпревари

Го потврдија својот квалитет и залужено се најдоа на врвот на табелата од суперлигашките плеј – аут натпреварувања и, останаа во суперлигашкото друштво и во идната натпреварувачка сезона. РК Прилеп вечерва го совлада ГРК Тиквеш на свој терен со 32:28 и со тоа потврдија дека оваа екипата на Горан Кузманоски може да победува и со искуство плус идната година може да бидат пријатно изненадување за останатие еипи во машката Супер ракометна лига.

Пред почетокот на натпреварот РК Прилеп – ГРК Тиквеш, ракометарите и од еднат и од другата со едноминутно молчење и со маички со ликвите им одадоа почит на двајцат млади прерано починати ракометари и репрезентативци, Никола Даниловски (24) кој минатата недела се удави во водите на Охридското езеро и Марко Божиновски (20) кој изненадно починавчера.

А, потоа започна борбата за првото место на табелата во Супер мапката лига плеј-аут. Натпреварот во првото полувреме кое заврши нерешено (12:12) помеѓу РК Прилеп – ГРК Тиквеш беше еден изедначена и тактичка битка меѓу двата ривали, фаворити за првото место. Но, веќе во второто полувреме ракометарите на Прилеп ја започнаа својата офанзива кон голот на кавадарчани и тактички успеаа со три /четири гола постојано да ја имаат резултатската предност, па сконцентрирано и мотивирано, со поголема желба за победа , до крај, не дозволија противникот да напави резултатско изненадување. Тиквешани го завршија мечот со убав „цепели„, но тоа не беше доволно за да ги понесат бодовите во Кавадарци и да останат на чело на табелата. На врвот на табелата на Сушер машката лига плеј – аут со 30 бодови со оваа победа се најде прилепскиот клуб, РК Прилеп ,како круна на сите извоени битки за опстанок во лигата , а со 28 бода, останува Тиквеш .Како и да е двете екипи го потврдија опстанокот во Супер лигата.

На оваа средба најефикасен кај прилепчани беше пивотменот Александар Тренчоски со 8 постигнати погодоци и десното крило Реваз Чантурија со 7 голови, а најефикасен стрлец кај гостинската екипа беше Јанчев со 9 гола и Дејан Гошевски со 6.