Џудо клубот Сеишин со празнична завршница на специфичната спортска година

Џудо клубот Сеишин – Прилеп на симболичен начин ги заврши активностите за 2020 година. Имено, денес, согласно процедурите и протоколите за заштита од Ковид 19, клубот организираше мини прием за своите членови при што за секој член беа доделени џудо календари за новата година, а за најмладите беа поделени Новогодишни пакетчиња.

• 

• 

Оваа година со оглед на фактот дека не беа одржани сите првенства и џудо турнири клубот не прогласуваше Најдобри по возрасни категории, туку епитетот најдобри го добија сите членови на клубот. Посебно ПРИЗНАНИЕ му беше доделено на Маке Спиркоски, активен џудо ветеран и спортски џудо учител за посебни заслуги за клубот во 2020.

• 

Спиркоски на 70 годишна возраст непрекинато учествуваше во сите предвидени активности на клубот заедно со својот колега, ветеран, Киро Здравески (69) ,кој оваа година, пак, освои повеќе награди ( 13 Ноемвриска и 13 Величествени до изборот на Радио Пела,како залужен џудо ветеран за своите активности и промоција на џудо спортот,особено кај младите за време на пандемијата).

• 

Џудо клубот Сеишин Прилеп ја искористи приликата да им ги честита Новогодишните празници нa сите свои членови, пријатели, соработници, помагатели, сите љубители на спортот како и сите граѓани со желби за добро здравје во новата година и НАДЕЖ дека во 2021 повторно ќе се отворат спортските сали на џудо татамите и заеднички ќе се радуваме на џудо успесите.