Душко Најдоски – добитник на Третоноемвриската награда за животно дело

За достигнувања во областа на архитектурата, Душко Најдоски  дипл. инж. , оваа година е добитник на најпрестижната  општина награда за животно дело, Златна плакета, по повод 3-ти Ноември, Денот на ослободувањето на Прилеп.

Комисијата за одбележување празници и манифестации и доделување награди и признанија на денешната седница донесе одлука за доделување на награди и признанија по повод утрешниот ден, 3-ти Ноември – Денот на ослободувањето на Прилеп.

Наградите  3-то ноемвриски Плакети им се доделуваат на:
– КУД ,,Мирче Ацев’’ (ветерани) од Прилеп, за меѓународна промоција на културните вредности на Општина Прилеп;
– Мото клуб ’’Синови на громот МС’’ – за промовирање на мото – културата и организирање на многубројни хуманитарни активности;
–  Детска амбасада за сите деца во светот, за дваесет годишна активност во областа на заштитата на правата на децата;
– Здружение РОМА С.О.С, за едукација на ромското население;

Дипломи по повод 3-ти Ноември, Денот на ослободувањето на Прилеп, им се доделуваат на:
– Василе Димески, за достигнување во областа на литературата и добитник на престижната награда ,,Державин’’ за 2017 година;
–  Александар Стојкоски, за врвни достигнувања во планинското трчање и меѓународна промоција на Општина Прилеп;
– Миле Спирковски, за неговиот придонес во одржувањето на родната куќа на великанот Блаже Конески;

Одлуката влегува во сила со денот на донесувањето, а ќе се објави во „Службен гласник на Општина Прилеп“.