Ковид биланс за Прилеп – епидемијата не попушта

Министерството за здравство информира дека во последните 24 часа се направени 3114 тестирања, а регистрирани се 1161 нови случаи на Ковид-19, при што Скопје со 410, Битола со 75 и Прилеп со 59 ново дијагностицирани случаи се во врвот. Денеска Институтот за јавно здравје регистрира 806 оздравени пациенти, од кои во Прилеп се 49. Починати се 26 лица, од кои двајца од Прилеп (85 и 85г). Пациентите се починати во болнички услови. Според вечерашниот Ковид биланс во Прилеп досега се регистрирани 3574, при што активни се 927.