Куќен притвор за четворица прилепчани

СВР Битола – ОВР Прилеп до ОЈО Прилеп поднесе кривична пријава против Д.Ј.(32), А.М.(26), Д.П.(33) и П.О.(43), сите од Прилеп, поради постоење на основано сомневање дека сториле кривични дела по чл.382 од Кривичниот законик, за „спречување  службено лице во вршење службено дејствие“ и по чл.386 од Кривичниот законик – „насилство“.

Имено, на 14.08.2022 околу 18.00 часот, во угостителски објект во Прилеп, по претходна вербална расправија, пријавените физички го нападнале В.Н.. На местото на настанот веднаш пристигнале полициски службеници од ОВР – Прилеп кои од страна на пријавените биле спречувани во преземањето на службени дејствија. Лицата биле лишени од слобода, а од страна на Судија на претходна постапка при Основен суд Прилеп изречена е мерка куќен притвор.