Марко утре стартува со маратонот посветен на ретките, подготвен за освојување на езерото

“Господе, и денес велам нека биде ВОЉАТА твоја!
Спремен за ГОЛЕМИОТ подвиг – за освојување на езерото и 64км – за РЕТКИТЕ!”

Часови остануваат до големата битка на уште поголемиот борец Марко Пејчиновски со Охридското Езеро. Тој интензивно се подготвуваше да исплива нов подвиг долг 64 километри , кој го посветува на лицата со ретки болести и нивната секојдневна битка со предизвиците во животот.
Рутата на овој маратон е Охрид, Св.Наум, Струга, Охрид. Поаѓањето е од Охрид на 27.08.2019 и се очекува пристигнување на целта на Градското пристаниште во Охрид на 28.08.2019 во вечерните часови.
За таа цел и во знак на поддршка на лицата со ретки болести, изработени се специјални маички по цена од 300 денари. Истите може да се подигнат во среда, 28 август, на денот кога Марко ќе плива нов подвиг, на штандот кој ќе биде поставен кај градското пристаниште од 12 часот, се до пристигнувањето на охридската пливачка легенда на целта.

Приходот од продажбата на маичките ќе оди во хуманитарни цели, односно за лицата со ретки болести!