Наставничка инфицирана со коронавирус – 20 ученици од второ одделение ставени во изолација

Наставничка е инфицирана со коронавирус во едно од основните училишта во Општина Прилеп. Со решение од Државниот санитарен и здравствен инспекторат, постапено е согласно протоколите за работа во основните училишта, па наставничката и 20 ученици од второ одделение, од прилепското основно училиште, ставени се во самоизолација во траење од 14 денови.

Од Центарот за јавно здравје информираат дека денеска (четврток,15-ти октомври) во општина Прилеп има 25 нови случаи на коронавирус, а 14 лица оздравеле од заразната болест. Бројот на активни случаи изнесува 191, од кои 155 се наоѓаат на домашно, а 36 на болничко лекување. Во домашна изолација и самоизолација се наоѓат 420 лица;

Вкупниот број на заразени од Ковид-19 од почетокот на пандемијата изнесува 864.