Ноќеска почнува летното сметање на времето

Ноќеска завршува зимското сметање на времето и почнува летното сметање на времето. Ноќта на 31 март стрлките на часовникот ќе се поместат за еден час нанапред, односно 2 часот ќе се смета за 3.

Ова би можело да биде последно поместување на стрелките на часовникот, бидејќи пред неколку дена Европскиот парламент го одобри предлогот за укинување на летното и зимското сметање на времето, но конечната одлука треба да ја донесе Европската комисија која ќе ги преиспита предностите и недостатоците од евентуалната промена.

Преминувањето на времето од зимско кон летно и обратно првпат почнало во 1916 та година во државите на северот во Европа, а денес е практика во 70 земји од Светот. Европските земји сега се подготвуваат за конечно укинување на оваа практика. Согласно одлуката на Европскиот парламент тоа треба да се случи во 2021 година