Победа на подготовки во Бугарија

Фудбалерите на Победа заминаа на 12-дневни подготовки во Банско-Бугарија каде ќе биде реализирана втората фаза од базичните подготовки. Екипата за Бугарија замина со засилувањата Тимовски , Драгарски, Маркоски, Каланоски, Мустафов, Манчевски, Жоглев и Ефремов, додека тимот и покрај најавите за продолжување на договорот ја напушти Зоран Даноски. 
Летниот преоден рок завршува на 31 август, а како што велат од стручниот штаб во игра се нови изненадувања. Според планот на подготовките во Бугарија договорени се контролни натпревари со бугарските второлигаши Пирин Ботев и Пирин Разлог.Новата сезона на Првата лига стартува на 5 август, а жребот за претстојниот прволигашки шампионат се очекува меѓу 15 и 20 јули.