CSS Template

Победа нема дилеми за триумф на домашен терен

Обезбеден пласман во четвртфинале на Купот на Македонија

358
Avtokontrol1

Фудбалерите на Победа со половина сили и со комбиниран состав попладнево на стадионот на Могилата го совладаа второлигашот Гостивар со 4-1 и со вкупен резултат 6-2 во меѓусебниот двомеч изборија пласман во четвртфиналето од Купот на Македонија. Победа по декември минатата година одигра официјален натпревар во Прилеп, а денес црвено-белите без некои проблеми и непријатности стигнаа до висока победа, на задоволство на над 500 гледачи кои попладнево дојдоа да го бодрат својот тим.
Стрелци на головите за Победа беа Велковски, Гешоски, Ефремов и Тимовски, а голот за гостите го постигна Исмаили. Покрај Победа и Кораби, кој денес беше слободен пласман во четвртфиналето изборија уште Македонија Ѓорче Петров која го елиминира Вардар, Шкендија, Академија Пандев, Беласица, Работнички и Силекс.
Овој денешен меч посебно ќе го паметат тројцата дебитанти во првиот тим на Победа. По изборената висока предност во последните 30-тина минути тренерот Мегленски шанса да дебитираат во првиот тим им пружи на младинците Христијан Свртиноски и Мартин Јосифоски како и на пионерот -голманот Антониот Столески, кој денес дебитираше со 16 години и неполни 5 месеци.

Извор: www.fkpobeda.mk


semm
Farma Dolneni
Penata
Vivafarm