CSS Template

Прилеп го одбележа “Виолетовиот ден“ за поддршка на лица со епилепсија

347
Avtokontrol1

Здружението на граѓани за лица со епилепсија и родители на деца со епилепсија во Република Македонија- ЕПИЛЕПСИЈА МАКЕДОНИЈА, со поддршка на Општина Прилеп, на градскиот плоштад Методија Андонов – Ченто по петти пат го одбележаа “Виолетовиот ден“ . Традиционално, овој ден се одбележува со носење на облека со виолетова боја, а во Прилеп се одржаа предавања во неколку училишта посветени на ова невролошко пореметување. Според параметрите на Светската здравствена организација само во градот Прилеп има 750 лица со епилепсија, а на ниво на општина и до 1.000 граѓани.
„Постоиме веќе пет години и се судираме со истите проблеми. Општеството и институциите полека се сензибилизираат, но остануваат бариерите кај лицата со вакво нарушување. Говорењето отворено на оваа тема е сеуште проблем како и свеста за епилепсијата“, вели Деан Бунески, претседател на здружението „Епилепсија Македонија“.
Со пригодна манифестација ученици од средните училишта облечени во виолетови маички, знаменца и со виолетови симболи, испратија пораки до граѓаните, за зголемувањето на свесноста за поголема грижа, бришење на стигмата во заедницата и конструктивни социјални решенија за граѓаните со епилепсија.
„Здружението ‘Епилепсија Македонија’ под мото „Различни, а сепак исти“ и јас како градоначалник и Општина Прилеп даваме несебична поддршка. Сакаме системот да биде успешен, да работиме на подобрување на инклузивноста на овие луѓе, вклопување во сите полиња на општественото живеење, а со тоа да ја спречиме и дискриминацијата која се врши. Државата и ние како Општина ќе се залагаме и во иднина, да се решава нивниот социјален статус“, порача градоначалникот Илија Јованоски.
“Виолетовиот ден“ се одбележува на 26 март,секоја година на сите континенти, во повеќе од сто земји во светот и е именуван за еден од највлијателните меѓународениденови за подигање на свеста за
епилепсијата. Денот се одбележува од 2008 година по иницијативата на девојчето Кесиди Мега, нејзините родители и Здружението за епилепсија од Нова Шкотска во Канада. Целта на настанот “, Виолетов ден”, е промена на начинот на прикажување на епилепсијата во медиумите, во книгите и секаде каде животите на луѓето со епилепсија се прикажани на лош начин што уште повеќе ги усложнува напорите правилно да се едуцираат луѓето за епилепсијата.


semm
Farma Dolneni
Penata
Vivafarm