Прилеп има 275 активни Ковид случаи

Од Центарот за јавно здравје информираат дека изминатата седмица, во периодот од 13 до 19 септември 2021 година, во општина Прилеп имало 88 нови случаи на Ковид-19. Од последици на коронавирусот починале 3 лица. Бројот на активни случаи со КОВИД-19 изнесува 275: на болничко лекување се наоѓаат 13 лица, од кои 11 се на кислородна поддршка, а во домашни услови се лекуваат 262 лица. Вкупниот број на заразени од Ковид-19 изнесува 8.909. Од почетокот на пандемијата, од коронавирус починале 446 лица.