Примопредавање на градоначалничката функција во Општина Долнени

По приемот на решението од Општинската изборна комисија нов градоначалник на Општина Долнени е Џемил Ќамили од Демократската унија за интеграција – ДУИ. Денеска во градоначалничкиот кабинет во општинската зграда во Долнени, во присуство на граѓани и претставници на медиумите се изврши примопредавањето на функцијата – градоначалник.

Новиот градоначалник е избран по вториот круг од локалните избори кои се одржаа на 29 ти октомбри, кога во Општина Долнени гласачите избираа помеѓу двајцата кандидати Џемил Ќамили од ДУИ кој освои 3. 845 наспроти, Билал Каришиќ од СДСМ со освоени 3.148 гласови.

Функцијата градоначалник на Општина Долнени во претходниот 4 годишен период ја извршуваше Боше Милошески од партијата на ВМРО – ДПМНЕ.