Работнички поуспешен од Победа

Третото коло од новата прволигашка фудбалска сезона за подновениот состав на прилепска Победа значеше пораз со екипата на Работнички со резултат од 0:2. Натпреварот се играше на стадионот Под Тумбе кафе во Битола.
Остоја Стјепановиќ со гол од пенал во 5-та минута и Петар Петковски во 60-та беа доволни за триумф на Работнички и со тоа романтичарите дојдоа до втората победа сезонава.
Во наредното коло, Победа му гостува на Силекс во Кратово.
Победа останува со 4 те освоени бода и се наоѓа на петтото место на табелата.