ПЕЛА YU хитови

ПЕЛА МАК забавно

PELA CAFE

ПЕЛА МАК народно

ПЕЛА YU фолк

CSS Template

Се дигитализира архивата на театарот „Војдан Чернодрински“ Прилеп

Богатство од архивски материјал на театарот, создавано од неговите почетоци, од 1950 година па се до 2000 година се скенира и дигитално обработува

388

Во ЦК „Марко Цепенков“ во тек е дигитализација на старата архива на театарот „Војдан Чернодрински“. Се скенираат фотографии, плакати, исечоци од весници, големо богатство од архивски материјал на театарот, создавано од неговите почетоци, од 1950 година па се до 2000 година.

-Архивата на театарот, која  сведок е создавањето на театарската историја во градот, е сместена во папки во кои има фотографии и плакати од премиери од секоја година поединечно, како  и друг материјал,  односно исечоци од весници во кои се пишувало за одиграната претстава. Ова е голем проект за Театарот, кој ќе се реализира подолгорочно, бидејќи треба да се обработат илјадници фотографии и плакати, со што ќе се заштити  театарското наследство – велат од ЦК „Марко Цепенков“.

Проектот е поддржан од Министерството за култура во 2021 година, со што, беше набавена соодветна опрема за дигитализација.

Завесата на театарот за првпат се кренала на 18 февруари 1950  со претставата „Кир Јања“ од Ј.С. Поповиќ, во режија на Аце Михајловски, при што се роди театар кој изоди голем пат до потполна афирмација.

Инаку, во театарот „Војдан Чернодрински“ се интензивираат подготовките на претставата „Декамерон“ во режија на Мартин Кочовски.

Vivafarm

Веб -страницата користи колачиња. Со клик на Прифаќам се согласувате со политиката на приватност и колачиња. Прифаќам Повеќе

error: