Штрајкот на Еурокомпозит продолжува!

И денеска се одржа протестниот мирен марш на вработните од „Еурокомпозит“, поради незадоволството  од  неисполнување на договорените ветувања добиени на последната средба, на 24 октомври, со премиерот Зоран Заев и претставници од гранковиот синдикат на ССМ. Вработение на „Еурокомпозит“ повторно ги искажаа своите барања: исплата на една плата и реализирање на програма за технолошки вишок.

Овој пат, тие еден час, го блокираа, кружниот тек кај споменикот „Карпалак“, при што возилата беа пренасочувани. Тие најавија дека и утре ќе продолжат со протестот, кој ќе трае се додека не им биде исполнети барањата.

Вчера, тие имаа средба и со прилепскиот градоначалник, кој им вети дека ќе се заложи да изврши притисок до Владата, нивните барања да бидат исполнети.

Случувањата со  Еурокомпозит е од интерес на градот, бидејќи на над 260 прилепски  семејства им зависи егзистенцијата,  па затоа со внимание ќе ги следиме сите случувања како и досега.