(ВИДЕО) ФК Младост испишува историја, мештаните го поддржуваат клубот за да опстои традицијата

Кога се негува традицијата, на радоста и нема крај , кога се продолжува фудбалската хармонија која со години претставувала предизвик на мештаните на Кривогаштани , да се носи дресот на локалниот фудбалски клуб , тогаш задоволството е  големо како фудбалскиот клуб Младост. Историја , традиција, фудбалски дожувавања кои се прераскажуваат од генерација на генерација. И денеска е така , сплотени сите во едно, во мозаикот кој опстојува и ден денес и несебично  го проткајува фудбалското знаење низ терените ширум земјава. Фудбалскиот клуб Младост од Кривогаштани настапува во третолигашкото друштво во мак фудбалот , но секогаш е во центарот на внимението кога ќе ги нагости “поголемите” на својот терен во срцето на општината. Зошто? Затоа што тогаш и таму се минутите на фудбалско докажување како  љубовта кон бубамарата. Последен на “стрелба” беше тимот на Дојранско Езеро кој загуби од Младост со резултат 2:1

Фк Младост – Дојранско Езеро 2:1/1:0  Стрелци на головите  за домаќините  – Стефан Чичоски и Мартин Богески

„Ние знаеме дека сме мал  фудбалски колектив, но со срце сме големи. Играме , вложуваме и се потпираме на поискусните и заеднички го одржуваме клубот. Дали по едно бале тутун или по една вреќа пиперки  од сите нас како помош , тоа не е важно , важно е што Младост функционира и ја има потребната традиција која ни е водилка за да издржиме и ги победуваме екипите кои ни се конкуренција,“ вели Николче Папучкоски кој е играч на Младост од Кривогаштани , клуб кој љубоморно со децении го одржува својот фудбалски ритам во пелагонискиот регион. Во продолжение и разговорот: