Во ликовната галерија на Цепенков прва самостојна изложба на прилепчанката Анита Сот

Во ликовната галерија од ЦК„Марко Цепенков“,утре, 27 април, од 19.00 часот ќе биде отворена тематската изложба „Everglow“ е од Анита Сот (Јовеска) – прилепската уметница која ќе се претстави со својата прва самостојна изложба со триесетина дела преку кои ја пренесува нејзината инспирација.
Анита Сот родена е 1986 година во Прилеп. Во својот роден град завршила основно и средно образование- гимназија. Дипломирала на Националната ликовна академија во Софија, Бугарија,2008год.,отсек- Плакат и визуелни комуникации.
Денес таа живее во Македонија, работејќи како професор по ликовна уметност.
Како академски сликар, Анита Сот сопствените дела ги изработува во mixedmedia, односно мешани медиуми, вклучувајќи многу матријали . Трагајќи по свој сопствен ликовен јазик и идентитет, таа често истражува во доменот на различните сликарски техники. Има изложувано на повеќе самостојни и групни изложби во Македонија и во Бугарија.
Учествувала во повеќе групни изложби во Софија, Прилеп,Скопје, Битола и други, како и на неколку ликовни колонии во земјава и пошироко.
Самостојни изложби: 2008, Софија; изложба на плакати на тема „Театрален плакат според Шекспир“, Галерија „Академија“.
Според уметничка наклонетост и сликарски јазик Анита Сот припаѓа на симболизмот и апстрактниот експресионизам.