Водата од јавните чешми во 7 села и од две крајпатни чешми не е исправна

Повеќе јавни чешми во прилепско кои не се обезбедени со водоводни системи, имаат неисправна вода за пиење. Според последните испитувања во Центарот за јавно здравје не е исправна водата за пиење од крајпатната чешма на село Штавица, селото Плетвар, кај ресторанот „Че“, од јавните чешми во Леништа, Ореовец, Прилепец, Волково, населено место Чумово, Мало Рувци и Беловодица што се наоѓаат среде селата. Водата од овие чешми според Центарот за јавно здравје не смее да се користи за пиење, без да се преврие најмалку 10 минути.
Овие се препораките на медицинските стручњаци од Центарот за јавно здравје од Прилеп, по редовните анализи на квалитетот на водата за пиење од јавните чешми во населени места, каде што нема водоводи, a коишто се во ингеренции на ЈКП „Водовод и канализација“.