Втора јавна трибина во Општина Кривогаштани

Градоначалникот на Општина Кривогаштани Рубинчо Шефтероски заедно со дел од општинската администрација вчера одржаа отворена средба со жителите на населеното место Славеј.

Присутните имаа прилика да се информираат за начинот на отуѓување на општинското земјиште во атарот на населеното место како и тековни проблеми со кои се соочуваат жителите на Славеј.

Специфично за селото Славеј е недостигот од обработливо земјоделско земјиште во приватна сопственост, како и намалената површина на пасишта потребни за нахранување на сточниот фонд. Во повеќе наврати мештаните на ова населено место реагираа кај надлежните централни и локални институции за решавање на овие долгогодишни проблеми. Одржувањето на ваквиот вид на средби во општината има за цел да ја зголеми транспарентноста и информираноста на населението за спроведувањето на постапките како и носење на заеднички одлуки за идните чекори на општина Кривогаштани.