Започна исплата на априлските пензии

Исплатата на априлските пензии почнува од денес. Над 320.000 пензионери ќе ги имаат пензиите на своите сметки.

За да се овозможи поголема заштита на пензионерите во услови на опасност од коронавирусот КОВИД-19, пензиите ќе бидат исплатени предвреме, а подигнувањето во експозитурите на банките ќе се реализира во четири групи, според висината на пензијата.

При чекање ред пред и внатре во банките, остануваат мерките  да се  држи  2 метри физичка дистанца, да се носат заштитни маски и пензионерите да  не прават групи.