Ќе се бара чаре за Универзалната сала!

Група спортски работници, вљубеници во спортот, спортисти, покренаа иницијатива за повторно ставање во функција на Универзалната сала, легендарниот спортски храм со кој што се поистоветуваат  многу успеси на прилепските екипи и незаборавни мигови на радост и пријателство. Ќе се бара Агенцијата за млади и спорт да биде посредник во изнаоѓање решение меѓу Јавното претпријатие за станбен простор во чија сопственост е објектот и Локална самоуправа Прилеп.

За таа цел денеска, вторник, 7 ми февруари во 18 часот, во големата сала на Општина Прилеп ќе се одржи состанок на кој што ќе се потпише петиција, со која ќе се делува овој проблем да се реши и конечно градот и спортистите, публиката, да имаат спортски објект каков што заслужува.