Важни се и учениците од населените места – нова спортска сала во подрачно училиште на ООУ Климент Охридски во с.Мажучиште

Во подрачното училиште на ООУ „Климент Охридски“ во с. Мажучиште  направена е комплетна реконструција  со нови подови, нова дограма и нова спортска сала. Во подрачното училиште во с. Мажучиште учат 12 ученици од прво до петто одделение,  во две паралелки, комбинирана настава.

Но, надлежните велат дека малиот број ученици, не треба да биде пречка за создавање  услови за квалитетно образование. “Бидејќи секое дете има право на квалитетена настава“- вели дирекотрот на ООУ Ахил Јаков

„

Со овие инвестиции обезбедуваме поквалитетни услови за учење и развој на нашите ученици. Децата се нашата иднина, и секој вложен денар во нивното образование е инвестиција во подобро утре. Заедно со директорот на училиштето го посетивме ова подрачно училиште и учениците кои се инспирација за нашата посветеност и работа. Локалната самоуправа ќе продолжи да ги поддржува сите основни и средни училишта во општината. Заедно ќе изградиме силна и успешна млада генерација која ќе биде пример и гордост за Прилеп.“ напиша градоначалникот на општина Прилеп, Борче Јовчески на својот ФБ профил, по посетата на подрачното основно училиште на ООУ Климент Охридски во с. Мажучиште