Политичката сцена пред претстојните локални избори почнува да ги поставува контурите. Партијата ЗНАМ најави дека ќе настапи самостојно на овие избори, и со советнички листи и со кандидати за градоначалници.
Портпаролот на ЗНАМ, Никола Мемов, потврди дека партијата преговара со ВМРО-ДПМНЕ за заемна поддршка на кандидати за градоначалници, но дека ќе настапат со сопствени имиња, а не во коалиција.
Партиски извори брифираат дека одлуката е донесена од Извршниот одбор, но не се исклучува можноста за понатамошни преговори – било со ДУИ, било со Вреди. Особено бидејќи ВМРО-ДПМНЕ веќе најави поддршка за Вреди уште во првиот круг.
Централниот одбор во проширен состав, на вчершната седница, донесе едногласна одлука за почеток на вториот бран на активности, под мотото: „Со срце за нашата општина“,.каде се планира посета на сите општини.
На 29 јуни, во недела, Движењето ЗНАМ – За Наша Македонија ќе го одржи Вториот изборен Конгрес, на кој ќе бидат избрани Претседател на партијата, нов состав на Централниот и Надзорниот одбор, со полн четиригодишен мандат.