Фудбалска Школа „Тони“ ( школата на фудбалската легенда, Тони Наумоски) во знак на одбележувањето 25 годишното постоење, веќе го подготвува новиот турнир за млади категории „Прилеп куп 2025“ на кои се очекуваат екипи и од соседните земји.
Турнирот ќе се одржи на 27, 28 и 29 јуни, (петок, сабота и недела), а местото е теренот од Градскиот стадион „Гоце Делчев“, што подразбира убава можност за присуство на публика.
Ове е четвртото издание на Меѓународниот фудбалски турнир за млади категории „Прилеп куп 2025“. Се очекуваат екипи од клубови и школи од Србија, Бугарија, Грција, Албанија, Македонија – од балканските држави. Натпреварите ќе се одвиваат во 6 возрасни категории: за фудбалери родени 2013, 2014, 2015, 2016, 2017 и 2018 година.
И, нема дилеми дека претстои врвна организација, бидејќи дополнителна обврска е јубилејот – 25 години постоење на Фудбалската школа „Тони“, организатор на турнирот во соработка со Општина Прилеп.