(Фото) Колони возила, шумски пожар на патниот правец Прилеп- Росоман

Километарски колони возила на магистралниот пат Прилеп – Градско во двата правци, сообраќајот е во прикин и наши читатели јавуваат дека практично не може да се помрдне со возилото неколку часови. Причина за ова е шумски пожар во близина на автопатот.

– Сообраќајот на патниот правец Прилеп – Росоман е во прекин во двата правци, поради шумски пожар над каменоломот Превој – Плетвар, атар на село Тројаци кон село Топлица, се наведува во соопштението од АМСМ.

Колините од возила започнаа да се формираат од 15:40 часот од кога е во прекин сообраќајот во двата правци, поради шумскиот пожар над каменоломот Превој – Плетвар.

Од Територијалната противпожарна единица Прилеп информираат дека состојбата е многу критична, поради ветрот.

Пожарот бил пријавен од 13:30 часот, а на терен гаснат 4 екипи од Кавадарци и од Прилеп. Пожарот е практично до самиот асфалт, што е застрашувачко за возачите и секако е ризично да се вози, што може да се види од фотографиите.