Прилепските актери добитници на уште една вредна награда

Прилепскиот театарски ансамбл уште еднаш го потврди своето реноме, овој пат на домашната, македонска театарска сцена. Народниот театар „Војдан Чернодрински“ се врати со престижна награда од 27 то издание на Меѓународниот фестивал на камерен театар „Ристо Шишков“ кој се одржа во Струмица.
Претставата „Семејни приказни“ во режија на Милош Б. Андоновски ја доби наградата на НЕТА (Нова европска театарска акција)за севкупно уметничко остварување.
Во претставата настапуваат актерите Јасмина Мицовска Станкоска, Илија Волчески, Катерина Чакмакоска Клинческа и Димитар Црцороски .
Инаку, Хрватскиот актер Драшко Зидар ја доби наградата за високо актерско остварување, а во рамките на Фестивалот се одржа и деветото издание на камерна драма НЕТА, која додели награди на повеќе актери и претстави. Фестивалот финансиски е помогнат од министерството за култура и општина Струмица.