Гест за почит- Јованоски му пријде на Јовчески и му честита за кандидатурата за градоначалник

Иако, многумина “политичари” во Македонија не се склони кон чинот на честитање на своите политчки опоненти, ова не беше случај со градоначалникот на Прилеп, Илија Јованоски, кој на денешната редовна Седница на Советот на Општина Прилеп му пријде на својот колега по вокација, лекар – ортопед и советник во Соетот на Општина Прилеп од советничката група на ВМРО -ДПМНЕ, Борче Јовчески и џентлменски му пружи рака и му честита за кандидатурата за градоначалник на Прилеп од опозиционата ВМРО ДПМНЕ, за претстојните локални избори .

Двајцата лекари, се долгогодишни колеги, лекари, ортопеди, во ортопедското одделение во болницата во Прилеп, но и двајцата повеќе години се дел од општествено- политичката сцена на Прилеп, Илија Јованоски, како актуелен градоначалник на Прилеп од редовите на СДСМ , а Борче Јовчески, како актуелен советник во Советот на Општина Прилеп од советничката група на ВМРО ДПМНЕ, кој пак е потврден кандидат за градоначалник за Прилеп од неговата партија .

Во земја во која има постојан суфицит од меѓупартиски навреди и длабок дефицит од зрел политички дијалог, овој гест остави верба дека демократијата и почитувањето можат да бидат дел од политичката култура на политичката македонска сцена, креаторите на опшественото живеење.