СЛУШАЈТЕ ВО ЖИВО

CSS Template

Голема порака од малите спортски игри со рециклирани тутунски материјали!

382

Во големата спортска сала на ООУ„Манчу Матак“- Кривогаштани за прв пат денеска се одиграа мали спортски игри со реквизити изработени од рециклирани тутунски материјали. Учениците со своите наставници по физичко образование заедно другаруваа и ја пренесоа пораката за – невклучување на децата во работата при одгледувањето тутун.
Малите спортски игри се одржаа во духот на детството, радоста, но и дружењето со учество на 4 екипи од 40 ученици, основци од четири основни училишта: ООУ„Манчу Матак“-Кривогаштани, ООУ „Јонче Смугрески“-с.Обршани, ООУ„Никола Карев“-Крушево и ООУ„Страшо Пинџур“-с. Мало Коњари. Учениците своите сили „ги измерија“ во четири различни спортски игри.
Локалната самоуправа ги организира овие игри со цел, да го поттикне психо – физичкиот развој кај учениците, притоа развивајќи го спортскиот дух и мотивот за соработка и другарување. За сите учесници ќе бидат обезбедени мали симболични награди за поттикнување на нивната поголема посветеност и ангажираност во спортот.
Манифестацијата се одржа во организација на општините Кривогаштани и Крушево и ООУ„Страшо Пинџур“с. Мало Коњари , а со поддршка на МЦМС во рамките на конкурсот „Мирисот на тутунот кој ги обојува детските игри“.

Facebook Notice for EU! You need to login to view and post FB Comments!
Vivafarm

Веб -страницата користи колачиња. Со клик на Прифаќам се согласувате со политиката на приватност и колачиња. Прифаќам Повеќе