Има повредени во сообрајќајката утрово на патот кај с. Славеј

Утрово (15.01.2022)  во 04.00 часот било пријавено дека на регионалниот пат Прилеп- Крушево, пред с.Славеј, патничко возило „опел тигра“, со прилепски регистарски ознаки, управувано од лицето В.Ј.(20) од Прилеп, излетало од патот.

Во несреќата сопатникот Х.Н.(20) од Прилеп се здобил со тешки телесни повреди, а возачот со телесни повреди,  констатирани во Општата болница “Борка Талески „ – Прилеп.

По несрејќата извршен бил увид од  екипа од Полициската станица Прилеп.