Изложба на дела од Атанас Ристески – Пембе

Утре ,вторник, од 19.30 ч. во ликовниот салон на ЦК „Марко Цепенков“- Прилеп љубителите на ликовната уметност ќе имаат можност да ја погледнат изложба на делата од Прилепчанецот, Атанас Ристески – Пембе. Уметникот ќе се претстави со дел од своето творештво работено низ годините.

Атанас Ристески – Пембе е роден во Прилеп. Завршил Архитектонски факултет во Скопје. По неговото завршување работи како архитект во рудници и фабрика Партизан, а подоцна во своето Проектно биро „Арх Пембе“. Покрај со архитектурата од најмало детство се занимава со сликарство.